صدك ياوطن باجر امان تصير

صدك ياوطن باجر امان تصير
وهم نرجعلك ويلتم شملنا



وهم بدهوك السياحة تصير
وهم بالبصرة ناكل تمرنا



وهم بالكاظم الغربي بغداد
ينطينا مرادنا وندعي لاهلنا



وهم بالنجف يم ابو الحسنين
الشيعة والسنة نجتمع كلنا



وهم بالطبخ يوم عاشوراء
اخوي السني ياكل من طبخنا



تعبنا من فركتك والله والقران
ومن الغرب ياعراق خلص كلبنا



كل يوم نكول باجر امان
يصير وكل يوم نصير وزايد املنا



مرة وحدة فرحنا من الحرب لليوم
اسودك ياوطن شالو علمنا



وشنهو الفائدة من ضحكتنا للناس
وانته شايل همك وهمنا



بروحي افديك يا ابو النهرين
يا رفعة راسنا وعزنا وفخرنا

مهند الحـــــــــزين