حبيبي ليش عني تصد و... تمِل
وردت وياك اكضي العمر ولا... تمل
لو ادري بعشرتك شهر و... تمل
فلا والله جعلتك ولف ليه
********
افتك من هواك شلون... شفتك
وعلي طفر عسل من حجت... شفتك
طحت كلي على كلي بيوم... شفتك
دجرني مو طحت كلي عليه
********
ترف عشرين عمرك... ماتعده
واذا كلبي هجرته... مات عده
تعدلي هواي لاجن... ماتعده
ذنبك من طحت تضحك عليه
********
قلبي انت ملكته... وانت حر بيه
عليل وطبي عندك... وانت حر بيه
كاس السم اشربه... وانتحر بيه
اذا غيرك يمس اطراف ايديه
********
لتظن نار كلبي عليك... تبرد
وبعد كل الحجيته وياك... تبي رد
شوكت ماجيك بالسجين... تبرد
دهاك اذبحني هو شظال بيه؟؟!!
مثل مرجوحــه بي رايح ورادود
ولولي بصوت لاناعي ورادود
من يمشي الحلو يمشي ورا دود
من اشبكه الدود يتكــوم عليــه
*************
بابي لمانهر جفك منــــدك
ودعاين انه لو وكتي منــــدك
حنطه واضل واكف من اندك
اغزر بالوفــي وبذاتـه بيـــــــه
**********
ليلـــــــة شتى وهب ريح طيره وبلا ريـــــش
لتكلي باجر جــــاي للصبــــح ماعيـــــــــــش
من شفت صب النور من عينه دمعه
اعرفت كلش زين عاشكلي شمعـــــــــه
ــــــــــــــــــــــــــــــــــــــــــــ
كلش رقيق اشبيك ماجامل بهــــــاي
مثل الورق لوبات مره بجرف ماي
ــــــــــــــــــــــــــــــــــــــــــــــــــ
ياولفي بالسجين شرياني حـــــــــــــزّه
يمي ولون ذكروك جن بيه فـــــــــــزّه