الرئيسية
أحدث الصور
alsader213 يا شعب العراق لياوكت تصبر
كَلي ليا وكت تتحمل الضيم
يا شعب العراق ويا وكت تصبر
اشوف ذراعك تكَص بيه السيوف
وسيوف اعلى راسك ضاله تنشر
وشو ربعك تمر جدامك اشباح
تتخطه الشراب وللعطش تنحر
وشو ياهو اليجيك تبايعه وكّام
بس تدير ضهرك صابك بخنجر
وكثيره البايعتها تريدك اتطيح
وانته احسب خناجر عاد لو تكَدر
وتعرف يا شعب جم حصه سووك
حتى تضيع بسنون الغسلها الشر
وصرت حصت اسد بحلوكَ الضباع
وذيابه اعلى مايك كاظه المعبر
وابن آوه اليتاني وبالكن تهوم
عالكَاع يتلمظ ضال يتنطر
والحكام جابت بيك الحزاب
كل واحد يفرك وين ما يفتر
وخلوك اعلى خيرك حارس تصير
ونته بصف رغيفك ضال تتحسر
وأشوفك يا شعب بالفتنه مهموم
وبحضانك اجت نامت أفاعي البر
تستحرم جنت كل خاين يخون
شو هسه بخيانه تعلك المنضر
وتنصبهم حماة احثالت التاريخ
وتقدم اديك تصافح مزفر
وتعرف يا شعب بالصافح الزفرين
اله بعدت التطهير يتطهر
اعرف يا شعب ذوله ألاجوك بليل
لو بيهم بخت ما هاجمو حيدر
ولو بيهم بخت ما عبدو الدولآر
ولو عدهم خجل بوجوهم يضهر
وخلوها الغزاة الدارك تفوت
وبالخضراء زلمك نايمه وتشخر
انهظ يا شعب ناخيتك الكَاع
مكشوفه الوجه تاريخها مأسر
تنخاك وتكلك فاطمه اليوم
كل ساعه الضلع من بابها مبسمر
وكل ساعه الشمر يذبح عليه حسين
واحفاد المرادي بحيدر اتطبر
ونهريني اصبحن جفين عباس
من طاحن بقه العباس متحير
كَلي ليا وكت تتحمل الضيم
يا شعب العراق ويا وكت تصبر
اشوف ذراعك تكَص بيه السيوف
وسيوف اعلى راسك ضاله تنشر
وشو ربعك تمر جدامك اشباح
تتخطه الشراب وللعطش تنحر
وشو ياهو اليجيك تبايعه وكّام
بس تدير ضهرك صابك بخنجر
وكثيره البايعتها تريدك اتطيح
وانته احسب خناجر عاد لو تكَدر
وتعرف يا شعب جم حصه سووك
حتى تضيع بسنون الغسلها الشر
وصرت حصت اسد بحلوكَ الضباع
وذيابه اعلى مايك كاظه المعبر
وابن آوه اليتاني وبالكن تهوم
عالكَاع يتلمظ ضال يتنطر
والحكام جابت بيك الحزاب
كل واحد يفرك وين ما يفتر
وخلوك اعلى خيرك حارس تصير
ونته بصف رغيفك ضال تتحسر
وأشوفك يا شعب بالفتنه مهموم
وبحضانك اجت نامت أفاعي البر
تستحرم جنت كل خاين يخون
شو هسه بخيانه تعلك المنضر
وتنصبهم حماة احثالت التاريخ
وتقدم اديك تصافح مزفر
وتعرف يا شعب بالصافح الزفرين
اله بعدت التطهير يتطهر
اعرف يا شعب ذوله ألاجوك بليل
لو بيهم بخت ما هاجمو حيدر
ولو بيهم بخت ما عبدو الدولآر
ولو عدهم خجل بوجوهم يضهر
وخلوها الغزاة الدارك تفوت
وبالخضراء زلمك نايمه وتشخر
انهظ يا شعب ناخيتك الكَاع
مكشوفه الوجه تاريخها مأسر
تنخاك وتكلك فاطمه اليوم
كل ساعه الضلع من بابها مبسمر
وكل ساعه الشمر يذبح عليه حسين
واحفاد المرادي بحيدر اتطبر
ونهريني اصبحن جفين عباس
من طاحن بقه العباس متحير
