ابوذيات متنوعه

العمر ياصاح من هجرك تمرمر
بدليلي سهام شماتي تمرمر
أنشدك هم كبل ضايك تمر مر
التمر مر بغيابك مر عليه


غيابك خلل اعضامي وهدهن
وجر حسرات ببعادك وهدهن
الي دمعات لو أبجي وهدهن
تفيض اليابسه ونغرك سويه


مثل ماي شيكضك وانت جاري
وبس ماشي اليودك وانت جاري
تعذبني بمحبتك وانت جاري
واظن رب العرش وصاك بيه


حزن دنياي تمطر ماصحتلي
وردت فرصه اشوفك ماصحتلي
وكفت اكبال عينك ماصحتلي
صحتلك مادرت وجهك عليه


ينادر تكتل بطبعك وندراك
ويمته الطيبتك نوصل وندراك
أخو للكلفه اعرفنك وندراك
ذخر للدنيه من اتميل بيه



أصيله الروح تنشد من خيالي
وافز مرات اخافن من خيالي
شكثر حاولت احذفك من خيالي
خيالي انحذف وانت الهسه بيه

الله الله عيوني نرجس شنو هل ابداع كسرتيني عيوني اتمنالج كل ابداع

مهند الحــــــــــزين

لا هنودي انت الاصل ومحد يجاريك بالابداع انت الاستاذ
تحياتي

الله الله الله على هذا ابداع نرجس تقبلي تحياتي ومروري

تسلم قناص هذا من ذوقك
ومشكور على المرور الحلووووووووووو
تحياتي

يسلموووووووووووووووو ابوذيات تخبل

تسلمين عاشقه انتي الاحلى
شكرا على مرورك

تقبلو مروري عاشت ايدج على الابداع