الرئيسية
أحدث الصور
الأول : تضحك علية
تضحك علية تكلي احبك جذاب
انت كل عمرك ولا حبيتني
اني ضميتك جرح بين الضوع
وانت كلي بيا كتر ضميتني
اني النطيتك فرح وكت الدموع
وانت كلي شقدمت شنطيتني
ثكلت ميزانك اني وتدري زين
وانت ريشة وبالهوة خليتني
جنت اشد وصلك واحس تكطع واجيك
جنت اجيلك حتة لو ماجيتني
جنت الم جرحك انا وبجرحي نوح
وانت بيدك دوة وماداويتني
اي ليش هيج واني مامقصر وياك
لان طفيتك بأدي جويتني
اني سويتك سمة نشيللهة راس
وانت كاع وتنسحك سويتني
اني لميتك دمع والدنية عيد
وانت من ايدك فرح بديتني
صدك هسة حبيبي اني من اكول
انت كل عمرك ولا حبيتني
الثاني : جوالك
جوالك شغلتة صار يومين وشكد خابرت ماجاوبتني
خابرتك الف مرة يمحبوب وانت شبيك شو ماخابرتني
خلص عندك رصيد الحب والاشواك لوحبيت غيري وبدلتني
مجال التغطية عنة رحت وين واتغطى بجمر نارك عفتني
الف مغلق الهاتف منهة مليت والف حاول وحاول كلفتني
حاول ثانية وحاولت مرات شيب راس كلبي وشيبتني
الك اني هدية شريت جوال تاليهة بهديتي موتتني
الثالث : خانتني
خانتني التكلي اهواك هاي شلون خانتني
معقولة علي تضحك وابد مايوم حبتني
كالتلي اضل وياك كلام وتالي عافتني
كالتلي اشيلك دوم تالي بسرعة ذبتني
لان طيب علي لعبت لان مسكين شافتني
لو اني جنت غدار جان بحبهة وافتني
ولو اني ابيع بساع ابد ماجان باعتني
بس اني غشيم اصلي وعلى النيران مشتني
جنت ماي بعطشهة اني جنت بس هسة بدتني
الف نعلة على ابو الطيبة شوف لوين ودتني
خانتني التكلي اهواك هاي شلون خانتني
الرابع : لو اكدر انسى
اني لو اكدر انسى جان من الاول انساك
ماذل روحي هاي الذلة اتوسل حتة ابقى وياك
من جنت تكلي ابعد لحضة ازعل وي روحي وماارضة
ايدك بيدي واني اتوسل لاتبعد عني اترجاك
راجع هسة تكلي انساني موكتلك ما اكدر اني
عايش على حبك تدريني ومااكدر اعيش بلياك
اني ضحيت بعمري احلى سنين واغلى ايام
حتة تضل ميم وماترحل وعيونك بعيوني تنام
ماهمني العمر الضحيتة ولاهمني الدمع الي بجيتة
اكثر من هذا اضحيلك بس لاتجرحني بفركاك
فتح قهرة الزمان وسكراني
بحزن شربني دمعي وسكراني
صاير ضغط بية وسكراني
أجت كلهة بسبب بعدك علية
تحياتي احْزانيے عيشنيے بًـعالِم ثـانيے
نـِسّانيـﮱ خلانيےحْبًـڪ يَجرَي بًشريانيے
الهواىآ الي يمسڪ حبيبےعلمتنيےمنـْﮧ اغآرخطوـْﮧ ماابعدحبيبے مااعوفـڰ مهمآ صآرَيلي نارڪ ليـْﮧ جنة ولون عينڪ ماڰومنـْﮧ
مهند الحــــــــــــــــــــزين
[img]img]
