الرئيسية
أحدث الصور
سهرت الليل
هي:
سهرت الليل..
وي دمعات العيون ..
افكر بيك ..
اكول يمرني يا يوم ............
الملم بالسوالف كلها واشتاك
مثل شوك الطفل
بهواك مفطوم
تعال وخل اشوفك
كلبي محتام
امتلى
ما بي مجال ابكثر الهموم
خلصني القهر
ما احمل افراك ..
السهر دمرني
عيني محاربه النوم
هو:
وآنه وداعتج ...
ليل اليمر بيج
ما غمضت عيني
ابلحظه وتنام
وحدج بيج افكر
والقلب نار
وعلى شوفه اعيونج
كلبي محتام
هي:
بس مر بيه باجر
فرح الروح
ونشف العين باجر
من تجيني
تعبني الصبر جمدوب
اطش اعيوني الك
لو تعتنيني
امس غمضت عيني
وشفتك ابطيف
بقيت امغمضه ما فتحت عيني
علمني نسيانك
بلكت ارتاح
ولو
مو هين البينك وبيني
هو:
لو بيه آنه اعلمج
علمت روحي
ولو عندي دوه
جا طابن اجروحي
آنه الليل كله ...
اتكالب ويه الروح
واخلصها ابونيني
ودمعتي ....ونوحي
يا أجمل حبيبه اتسهر اعيوني
ويا أجمل حلم ومرافك اظنوني
اشكد حاولوا ناس ورادوا انساج
ومن كد ما احبج تالي عافوني
هي:
وآنه اشكد احبك
اكثر من الروح
وشلي ابدنياي غيرك
يا بعد روحي
حبيبي انت
واحبك
واصبر اعله النار
ومرخوص انت وحدك
تلجم اجروحي
احبك
هو:
وآنه احبج ... يا أعز الناس
يا سلوه الروح البيها اتسله
اصبرلج صبر ..
حد ما أحس وفيت
واعوضج خير عن ذاك التعب كله
[size=25]
تقبلوا تحياتي
اتمنى ان تنال اعجابكم[/size]
مهند الحــــــــــــــــــزين
