أحزان مهند الحـــــــزين

أحزان مهند الحـــــــزين


آنه من كثر الحزن الــــــــبداخلي ---------- شاعر الأحزان احبابي ســــموني


ولك مو بيدي لو اكــــــــتب حزن ---------- آنه الحزن بالمهد رضــــــعــــوني


ما اگلك شنهو السبب وإلويـــــش ---------- أخاف من الشماته لايســــــمعوني


وك هذا الزمن لاعب بيّه جــولات ---------- وإوياه العواذل گوه خسرونــــــــي


ردت احلم اتلاگه ويه المــــسرات ----------ميخالف حلم بس لا تگعدونــــــــي


لان ابسرعه المسرة تصير اهـــات ---------- حسبالك خناجر بيهه ذبحونـــي


اريد افهم شنهو الذنب يانـــــــاس ---------- شنهو الذنب ياناس عينونــــــــي


دومي ويه الحزن متعاقد تـــــگول ---------- بس آني بشر يا خلگ فهمونــــي


اصبّح والحزن ناطرني بالبـــــــاب ---------- يتانيني اطلع حته يصيـر مقروني


والشماته إمعسكره وياه بالبـــــاب ---------- حته ويه الحزن بسرعه يحوطوني


يتانوني اخطأ بس آني هيـــــــهات ---------- حته بكل مچان بخطأي يشهروني


حسبالك متهم إو بالسجن محبوس ---------- ما أدري شوكت يمته يعدمــــوني


سجنوني ظُلم والعاذل الســــــجان ---------- إو زادي السجن لو يوم وكلونـــي


دگلولي السبب والعله يانــــــــاس ---------- إو وين الذنب ولياسبب سجنونــي


اتاني بالفرج بلچن يمر يــــــــــوم ---------- إو من جور السجن بلچن يحلونـي


كل هذا الظُلم صدگوني ماطيــــــح ---------- اظل واگف جبل مايزيحونــــــــــي


آنه من ازهگ يتــــــــــفجر الكون ---------- ما تكفي سلسله وبيها يقيــــدوني


آنه بداخلي بركان إيــــــــــــــتفجر ---------- إو لو دارولي نهر ما يطفــــــوني


آنه الواحد وابد ماصير إثــــــــنين ---------- لو دارو علي بسيوف گطعــــوني


اظل شامخ علم وإمعجز الـــــعذال ---------- و إيديهم گصيرة وما ينوشــــوني


ارفرف عالوطن وبعالي الريــــاح ---------- ما مني لزمه ويــــنـــــــزلونــــــي


آنه مهنـــــــدالماهزني كل ضيــــم ---------- بس بسموم الغدر تاليهه سمونـــي

مهند الحـــــــــــــــزين

عااااشت الينودي يدك على الكلام الحلو تقبلو المرور

نايسووووووووووووووووووووو انشالله ماكو اي احــــــــــزان بعد هنووودي كلماتك رووووعه