ابوذيه بين عاشقين

هو: :
عليّ ثوب الونـين اشكثـر .. حالي
شباب وهل شبت مـن دون .. حالي
انشدج على احوالج مثـل .. حالي
طايح والهموم اتشيل بيـه

هي:
هموم هواك ما خلن .. علي حال
فريضة وحبك من الله .. علي حال
يالتنشد على حالي .. علي حال
شيفيد النشد علي صار بيه

هو:
الج بس انتي گلبي .. ورجيته
ودمع العين يمـچ .. ورجيته
ابتعد كلمن نخيته .. والرجيته
ولا واحد اجاني وحـن عليه

هي:
رعيتك ليش گلبــك .. ما رعاني
ويهمك فت دليلـي .. وما رعاني
مره احبس بدمعي .. ومره اعاني
ومره اتطيح روحي ابين اديه

هي:
هجرك ياولف صايـــر .. بلا حد
مثل سيف اليگص رگبه .. بلا حد
رحت وآنه انتظر ترجـع .. بالاحد
اجه الاحـد ويمتـه اتعود اليه

هو:
احد سچين صبري وچــن .. ولاحد
التفت وما شفـت ربعي .. ولا حد
شچم سبت اليمر بيــه .. والاحد
اجي بس شوفتچ تصعب عليـه

هي:
لتهم بالعمر خلصـــان .. وحـده
وأنا ضعني سرى بالهــــوى .. وحــده
حلت جنها بعيونـك غير .. وحـده
وگمت لاتسأل ولاتمـر بيـه

هو:
غيرچ ماحلى ابعينـي .. ولاطاب
ولا دونچ دخل گلبــي .. ولاطاب
يجرحي وياچ ماهَّــود .. ولاطاب
دم ينزف ولا تدريــن بيـه

هي:
محبتك تجري وي روحي .. ويدماي
وعليك انشلت اعظامي ..
ويدماي
انچويت أبأيد أنا ناري ..
ويدماي
ولكن مـن يطابگهـن سويـه

هو:
عليچ الروح راحــــت .. من يردهه
أوكيحه اهمومي صـارت .. من يردهه
خطيه الروح ملت .. من يردهه
لأن بس الصبر لبس العليـه

ويدج عشوقه يسلمووووووووووووووووووو عشوقه