احبك مو لأن انت حلو...لا

احبك مو لأن انت حلو...لا
لأن روحي التقت گبلي... ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
على المراية وگفـت ما شفت وجهي
وشفت وجهك طلعلي وگمت احاچيك
وثبت بمرايتي وجهـك مرايات
واباوع وجهها مرايتي بيك
بگذلتك شِّد رگبتي وطلع الروح
اريدنها بعد تتگرب إعليك
انت بحضني واگول بعيد
اريدن هيچ كون آنه انخبط بيك
بيا شارع مشيت گبالي الاگيك
افوت بغير شارع هم الاگيك
ارد للبيت گبلي الگاك بالباب
اطب گبلي تطب وتگلي اتانيك
بغيرك فكرت كلت آنه انساك
طلع غيرك يشبهك وفكرِّت بيك
طلع غيرك يشبهك وفكرِّت بيك

الله الله الله ع هذا الكلام الروعه وربي حلو هذا الكلام تقبلي مروري يسلمووووووووووووووووووووووو نرجس ع هذا الكلام تحياتي مهيمن الكربلائي

الله الله نرجس على كلامك جميل بلكت يطلع يشبهني هههههههههههههههههههه ااتمنالك ابداع يلغاليه

مهند الحـــــــــــــزين

مو اجمل من مشاركاتكم وتعابيركم الحلوة
شكرا على مروركم الجميل