مجموعة اشعار رومانسية مترابطة راح تعجبكم من شاعر مهند الحزين

شسوي شلون ماادري ياحبي فهميني
وداعتج حيل وهواي انتي وحشتيني
مشتاقة روحي لسوالفج ولشوفتج عيني
كل ساعة لبحر الشوك ترديني وتوديني

تعبت من البعد والانتظار
انتي وردة بكَلبي وتذكار
ماانساج حبيبتي شما صار
انتي نبضي الينبض بأستمرار

ترة روحي بغيابك رسلتلي تحذيــــر
كلتلي اذا مااشوف الأحبة تدري شيصير
أعتبر نفسك هاهية انتهى بيك المصير
كلتلها يرجعلي الحبيب وين يروح يطير

روحي بغيابك ذبل وردهة
كل ساعة تغيب الفرحة واردهة
بغيابك سكنت المستشفى والردهة
وكل علاج مارهم وداعتك اليه

شلون اوصفلك بدونك حياتي
اتصور الكَمر بدون الليل
وياك تنكَلب افراح آهاتي
ويكبر حبي الك حيـــــــل
انت اول وأخر امنياتي
لأن انت تنسيني الويل
مهند الحــــــــــــــــــــــــــزين

يسلو على هاي الاشعار الحلوه عاشت ايدك هنود