صدكني احبك

صدكني احبك والله شاريك
وشاري لكل ذنب حصلته يهواي
وذنوبك ابدما شالهه انسان
تعذبني وتمر كل يوم الك راي
ردت وياك انه مارايد الغير
انت الشيبني اباول اصباي
مشكلتي احبك وشفت بيك
يل تبخل علييه برشفة الماي
حاير بيك يسمر وين اخليك
خافن من احضنك تبجي عيناي
لن صوتك ترافه اولحن فنان
عود انته اوكمان او بحة الناي
يلكلك حنان وطيب واخلاص
ا بنارك يحبيبي احتركت احشاي
ماعوفك اوياك الساعة الموت
مو انه اليكل للحبه بيباي
وذنوبك ابد ماضن تنجيك
يلطاغي ابغرورك كلش اهواي
للنار اتبعك لو رحت للنار
شلي ابجنه اذا ماشوفك اوياي

يسلمووووو حبي قناص تقبلو مروري

يسلمو عاشت ايدك شعر كلش حلو تقبلو مروري :flower: